«Кім екенін бәрі біледі»: Тәуекел Мүсілімнің жасырын үйленгені рас па?
Талай арудың жүрегін жаулаған отандық актер Тәуекел Мүсілім елден жасырын түрде үйленіп алған болып шықты. Сымбатты сері келіншегін көпшіліктің алдына алып шыққысы келмейтінін де жайып салды деп жазады Астана арнасындағы «Ел аузында» бағдарламасы.
Осыған дейін көпшілік шоу-бизнес сұлуларымен жұптастырған актердің айтуынша, әйелі өнер әлемінен алыс адам.
«Өнерге қатысы жоқ болса, оны ел алдына шығарып не істеймін? Ортақ жиындар мен тойларға алып барамын. Оны жасырамын деген ойым да жоқ. Бәрі әйелімнің кім екенін біледі», — деді Тәуекел.
Айта кетейік, осыған дейін жұрт Тәуекел Мүсілім мен Жанар Дұғалованы қосқан болатын.
Алайда көп ұзамай, актердің 18 жастағы бойжеткенмен кездесетіні анықталды.
Ел алдына тарап кеткен қауесетке Тәуекелдің өзі нүкте қойып, сүйгенінің бай-бағланға қаншалықты қатысы барын ашып айтты.
