Баян Алагөзова жақында алғаш рет әже атанады
Белгілі продюсер Баян Алагөзованың қызы Айсауле Бақытбек әлеуметтік желіде өзінің аяғы ауыр екенін айтып, жолдасымен бірге түскен фотосын жариялады. Арнайы фотосессиядан жариялаған суретінің астына «Жақында отбасымыз бір мүшеге көбейеді» деген жазба қалдырыпты.
Осыдан 3 жыл бұрын белгілі жас кәсіпкерге тұрмысқа шыққан Айсәуленің бұл қуанышты жаңалығын оқырмандары ұзақ күтті. Олар жазба астына «Құтты болсын», «Біз сіздер үшін қуаныштымыз», «Әйтеуір, көп адамдар тынышталатын болды» деген пікірлер қалдыруда.
