Мұрат Әуезов | өмірбаяны

Мұрат Әуезов 1943 жылы 1 қаңтарда Жамбыл облысының Меркі селосында туған. 1965 жылы Мәскеу мемлекеттік университетінің жанындағы Шығыс тілдері институтын қытай филологиясы мамандығы бойынша бітіреді. М.Горький атындағы Әлем әдебиеті институтының аспирантурасын 1969 жылы «Проблемы национального своеобразия современной казахской литературы» деген тақырыпта кандидаттық диссертация қорғаумен аяқтайды. Бірқыдыру уақыт Қазақ КСР Ғылым академиясының Философия және право институтында, республикалық Тарихи ескерткіштерді қорғау қоғамында жұмыс істеді. Ш.Айманов атындағы «Қазақфильм» киностудиясының Бас редакторы болды, Қазақстан Жазушылар одағында қызмет істеді. Қазақстан Республикасы Жоғарғы Кеңесінің депутаты, Қазақстан Республикасының Қытай Халық Республикасындағы елшісі, Халықаралық «Сорос» қоры қазақ бөлімшесінің төрағасы, Ұлттық кітапхананың директоры болды.

«Дни своей долгойдолгой жизни» деген мақаласы «Дружба народов» журналының (№8, 1968) сыйлығын алған. Қазақстанның еңбек сіңірген қайраткері.

Шығармалары: Времен связующая нить. Монография. А., «Жазушы», 1972; «Иппокрена Хождение к колодцам времен», 1997.