Гүлзат Шойбекова | өмірбаяны

Гүлзат Шойбекова 1967 жылы 4 мамырда Қызылорда облысы, Жаңақорған ауданы, Байкенже ауылында туған. 

1991 жылы әл-Фараби атындағы Қазақ Ұлттық университетінің журналистика факультетін тамамдаған. 

Мектеп қабырғасында жүргенде-ақ мақалалары мен әңгімелері республикалық, аудандық газеттерде жарияланып тұрған.

1991–1993 жылдары «Қазақ әдебиеті» газетінде, «Алатау» теледидарында, «Жаңа ғасыр» студиясында (бұрынғы «Қазақтелефильм») еңбек еткен. Дүниежүзі қазақтары қауымдастығының жанындағы «Аманат» студиясында редактор, «Қазақстан» телеарнасында редактор болып қызмет атқарған.

2001 жылы «Отырар кітапханасы» сериясымен «Тоты аралының тұрғыны», 2008 жылы «Өмір сүру ережесі» атты проза жинағы жарық көрген. 

Қазақстан Жастар одағы сыйлығының лауреаты (2002).