Баяділла Тұрғанбайұлы | өмірбаяны

Баяділла Тұрғанбайұлы (1941–2005)

Оңтүстік Қазақстан облысы, Арыс ауданы, «Тақыркөл» ауылында туған. 

1958 жылдан көп жылдар бойы мектептерде мұғалім болған. ҚазМУ-дің журналистика факультетін бітірген. 

1980–1984 жж. Жазушылар одағының Шымкент облысаралық бөлімшесінде әдеби кеңесшісі болған.

Өлеңдері «Жетісай әуендері», «Жыр бесік», «Сыр сапар», «Аққулар ұшқан ауылым» деген ұжымдық жинақтарға енген. «Кештеу келген тырналар» («Жалын», 1980), «Жан жүрек» («Шартарап», 2000) «Ақ мақта» («Шартарап», 2000) деп аталатын жыр жинақтары жарық көрген.