Алдан Мұсабекова | өмірбаяны

0

Мұсабекова Алдан Алтайқызы 1947 жылы Жамбыл облысы Луговой ауданы Жамбыл атындағы колхоздың «Көкарық» ауылында дүниеге келген. 1964 жылы Ақыртөбе орта мектебін, 1969 жылы Әл-Фараби атындағы қазақ ұлттық университетінің филология факультетін бітірген. Ұзақ жылдар Жамбыл облысы, Тараз қаласындағы оқу орындарында ұстаздық, тәлімгерлік қызметтер атқарған, мектеп ұжымдарын басқарған. Педагогика саласында сіңірген еңбегі үшін «Қазақстан Республикасы оқу-ағарту ісінің озық қызметкері» төсбелгісімен және шығармашылық еңбектегі жетістіктері үшін Ы.Алтынсарин атындағы медальмен марапатталған. Қазақстан Журналистер Одағының мүшесі. Өлеңдері мен әңгімелері облыстық, республикалық басылымдарда, жинақта жарық көрген. 2002 жылдан бері Л.Н.Гумилев атындағы Еуразия ұлттық университетінде оқытушылық қызмет атқарады, филология ғылымдарының кандидаты, доцент. Бірнеше оқулықтар мен ғылыми монографияның авторы. Көп балалы ана.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз