Қазақша ертегі: Тапқыр қоян — Ертегілер — Bilim

Аңдардың патшасы арыстан бәйге жариялапты. Бір қазан суды қайнаттырып қойып:

— Осы суды кім ішіп қойса, көп сыйлық беремін, – деген шарт қойыпты.

Аңдар бірінен соң бірі келіп, қанша өжеттенсе де қайнап тұрған суды ішуге батылдары бармапты.

Ең соңында қоян келіп, қып-қызыл шоқта тұрған қазанды көтеріп алады да:

— Ыстықтай ішуді өте жақсы көремін, – деп жан-жағына қарайды.

— Ендеше, іше ғой, – дейді аңдар аңтарылып.

Қоян ұзыннан-ұзақ қаз-қатар тізіліп тұрған аңдарды жағалай жүріп:

— Мінеки, достарым, мынау ыстық су. Көздеріңмен көріңдер! – деп, бас-басына көрсетіп шығады.

Сөйтіп, қоян аңдарды басынан аяғына дейін аралап шыққанша, қазандағы су суып қалады. Сол кезде қоян суды басына бір-ақ көтеріп, сіміріп салады. Шошынған аңдар ауыздарын ашып, көздерін жұмысады.

Ал алданған арыстан патша қоянға көп-көп сыйлықтар бергізіп:

— Міне, нағыз ер! – деп мақтапты.

Қажетті сілтемелер (қарап көріңіз):

Сайттағы басқа да ертеілер.

Ұлағатты сөздер

Тіл туралы мақал — мәтелдер

Сайттағы барлық мақал — мәтелдер

Өнер-білім, тіл туралы қанатты сөздер

Қазақша есімдер

Сайттағы барлық авторлар

Жұмбақтар

Өлеңдер

Анекдот, әзілдер

Жаңылтпаштар

Қызықты деректер

Сұрақтар мен жауаптар

Әлеуметтік желілерде бөлісіңіз: