Қазақстанда зейнетақы жинағын автокөлік сатып алуға пайдалануды ұсынды

Қазақстандық автобизнес қауымдастығы зейнетақы жинақтарын автокөлік сатып алуға пайдалану туралы ұсыныс жасады. Олардың ойынша, қаражатты тек жаңа көліктерге, оның ішінде қазақстандық өндіріске жұмсауға болады, деп хабарлайды «Хабар 24»арнасы.

Қазақстандық автобизнес қауымдастығы мемлекетке осы альянсқа мүше компаниялар құрастырған автокөлікті сатып алу үшін зейнетақы жинақтарының бір бөлігін пайдалануға мүмкіндік беруді ұсынды.

«Біз өз тарапымыздан тек оң әсерлерді көріп отырмыз. Біріншіден, егер бүгінгі автомобильдер туралы статистикалық мәліметтерге қарасақ, бұл автомобиль паркін жаңартуға жақсы әсер етеді. Бүгінгі таңда Қазақстанда 3,5 млн автокөлік бар. Оның 60 пайызы — 10 жылдан көп. Сондай-ақ, бұл отандық автоөндіріс ауқымына жақсы әсер етеді, яғни бұл мультипликативті әсерді — жаңа жұмыс орындарын құруды, аралас салаларды дамытуды көрсетеді»,- деді «Қазақстандық автобизнес қауымдастығы» ЗТБ Техникалық реттеу жөніндегі директоры Ербол Сейпілов.

Зейнетақы жинақтарын алу жүйесін әзірлеушілер жинақтарды автокөлікті сатып алуға жұмсауға болмайды деп есептейді. Бұл жүйе адамдарға ең өткір мәселелерді шешуге көмектесу үшін ойластырылған.

«Автокөліктер идеясы бірден екі параметрге сәйкес келмейді — біріншісі — өте қажеттілік емес, көбінесе ыңғайлылық, жайлылық және т.б. Екіншіден, ол құрылыс емес. Ешбір елде зейнетақы жүйесін автомобильдер үшін қолданбайды. Зейнетақы қаражатын мұндай мақсаттарға пайдалануға болмайды. Егер рұқсат етілсе, онда баға өседі», — деді экономист Олжас Құдайбергенов.

«Хабар 24» редакциясы қазақстандықтар арасында автокөлік сатып алу үшін зейнетақысын алғысы келетін-келмейтіні жөнінде сауалнама жүргізді. Бес мыңнан астам респондент дауыс берді, олардың көпшілігі механизмді қолдайтынын мәлімдеді.

Қалай болғанда да, бұл жай ғана ұсыныс, оны өндірушілер тек Ұлттық экономика министрлігіне жіберді.