ШҚО облыстық мәслихаты хатшысының Ресей азаматтығын алған, алмағаны анықталуда

0
272

Осыдан біршама уақыт бұрын еліміздегі ақпарат құралдарында «1998 жылдың 12 тамызында Головатюк Владимир Михайлович есімді азамат Ресей Федерациясының «Азаматтық туралы» заңының 3 бабының негізінде Астанадағы Ресей елшілігінің консулдығында Ресей азаматтығын алады» деген ақпарат тараған болатын

Дәл осы мәселеге қатысты Шығыс Қазақстан облысы әкімінің баспасөз қызметі ресми хабар таратты. Ресми хабарламаның мәтіні төмендегідей: «Шығыс Қазақстан облыстық мәслихатының хатшысы В.М.Головатюкте Қазақстан Республикасы мен Ресей Федерациясының қос азаматтығы бар болуы туралы қазақстандық интернет-ресурстарда орналастырылған ақпарат бойынша 2017 жылдың 25 қаңтарында облыс әкімдігінде өңірдің құқық қорғау органдарының қатысуымен кеңес өтіп, онда аталмыш мәселе бойынша бұрынғы жұмыс туралы ақпарат тыңдалды. Кеңестің қорытындысы бойынша көрсетілген фактілерді тексеруді жалғастыру туралы шешім қабылданды», – делінген. Енді әліптің артын бағайық.