Сергей Деревянченко Головкинге қарсы жекпе-жегі туралы мәлімдеме жасады

- Жарнаманы баса кетіңіз -

Спорт

Қысқа сілтеме алу

1 0 0

Геннадий Головкин мен Сергей Деревянченконың жекпе-жегі қазан айында Нью-Йорк қаласында өтеді

НҰР-СҰЛТАН, 22 тамыз – Sputnik. Геннадий Головкиннің қарсыласы, украин боксшысы Сергей Деревянченко 5 қазанда Нью-Йоркте өтетін жекпе-жекке қатысты мәлімдеме жасады, деп хабарлайды Sports.kz.

«Командамның орташа салмақтағы әлем чемпионы титулы үшін жұдырықтасуға мүмкіндік бергеніне қуаныштымын. Головкинді қатты құрметтеймін, рингте оған қарсы тұра алатынымды дәлелдеп, әлем чемпионы атанып, арманыма жетсем деймін. Madison Square Garden аренасында DAZN кездесуін көруге келген барша жұрт айшықты жекпе-жектің куәсі болады. Рингке шыққанша асықпын!» – деді Деревянченко.

Еске сала кетсек, Головкин — Деревянченко жекпе-жегінің жеңімпазы IBF бойынша орта салмақ дәрежесіндегі әлем чемпионы титулына ие болмақ.

Тағы оқыңыз: Головкин – Деревянченко жекпе-жегі: кездесу туралы деректер

Бұған дейін қазақстандық боксшы Геннадий Головкин Instagram парақшасында Сергей Деревянченкоға қарсы кездесуі 5 қазанда өтетінін хабарлаған еді.

«Екінші үйім деп санайтын @thegarden рингіне қайта оралатыныма қуаныштымын. Бесінші қазанда жақсы жекпе-жек болады. Madison Square Garden мен DAZN-ғаа Big Drama Show-ды қайтарамыз», – деп жазды боксшы постында.



sputniknews.kz

Загрузка...