Қазақстанның бес қаласында митинг өтті: министрлік түсініктеме берді

0

Қоғам

Қысқа сілтеме алу

4 0 0

Құқық қорғаушылар митингке шыққандарға әлеуметтік және басқа да мәселелер жөнінде өз пікірін ашық айтуға мүмкіндік берілгенін айтты

НҰР-СҰЛТАН, 1 мамыр – Sputnik. Бас прокуратураның ресми үндеуіне қарамастан, бүгін Нұр-Сұлтан, Алматы, Семей, Қарағанды және Ақтөбе қалаларында рұқсат етілмеген митингтер өтті.

Заңсыз шеруге шыққандарға өздерінің қоғамдық ұстанымдары мен әлеуметтік және басқа да мәселелер бойынша өз пікірін ашық және еркін білдіруге мүмкіндік берілді, деп хабарлайды Қазақстан ішкі істер министрлігінің баспасөз қызметі.

Бас прокуратура 1 мамырда митингіге шыққандар жазаланатынын ескертті

Дегенмен, Нұр-Сұлтан және Алматы қалаларында кейбір адамдар өздерін дөрекі ұстап, елімізде тыйым салынған «Қазақстанның демократиялық таңдауы» экстремистік ұйымының ұранын айғайлап, қоғамдық тәртіпті бұзған.

«Осыған байланысты прокуратура мен әкімдік өкілдері оларға бейбіт жиналыстар мен митингтерді өткізу тәртібінің ережелерін түсіндірді. Кейбір азаматтар заңсыз әрекетті тоқтату туралы талапқа бағынбады. Осыдан кейін полиция күштері заң бұзғандарды ұстап, қоғамдық тәртіп орнату үшін тиісті шаралар қабылдады», — деп мәлімдеді ІІД-ден.

Нәтижесінде елорда мен Алматы қаласында полиция бөлімдеріне 80 адам жеткізілген. Олардың әрекетіне заңмен белгіленген тәртіпте құқықтық баға беріледі, деп атап өтті ведомстводан.

«Біз көппіз» Сайлаудың әділ өтуін талап еткен қазақстандықтар көшеге шықты

Ішкі істер министрлігі азаматтарға арандатушылыққа бой алдырмауға және Қазақстан Республикасының заңдарын сақтауға кеңес береді, делінген хабарламада.

ҚДТ, Қазақстанның демократиялық таңдауы* — Қазақстанда экстремистік деп танылған ұйым, оның қызметіне елде тыйым салынған.



sputniknews.kz