Павлодар облысында 40 жастағы әйелді бауыздағандар ұсталды
Павлодар облысында 40 жастағы әйелді бауыздап, кейін мәйітті жасырмақ болған екі азамат құрықталды. Ішімдік ішкен екі азамат келіншектің денесін қоқысқа лақтырып кетпек болғанда қолға түскен деп хабарлайды КТК арнасы.
Фото: zhenskoe-mnenie.ru
Екі күдікті мен әйел адам Екібастұздағы пәтерлердің бірінде көңіл көтерген.
Қайғылы жағдай орын алғаннан кейін екі азамат әйелдің денесін кілемге орап, күн бата сыртқа алып шыққан.
Мәйітті қоқысқа тастамақ болған сәтте сол маңнан өтіп бара жатқан жергілікті күзет агенттігінің қызметкерлері аңғарып қалған.
Осыдан кейін оқиға орнына полицейлеркеліпп, 21 және 28 жастағы қос жігітті құрықтаған.
Қазір «Адам өлтіру» бабы бойынша айыпталған олар уақытша қамау қапасында тергеліп жатыр.
Дереккөз: КТК арнасы
