Алдағы күндері елімізде қар жауады — Қазақстан жаңалықтары

Қазақстанда алдағы күндері қар, жаңбыр жауып, найзағай ойнайды. 18-20 сәуір күндеріне ауа райы болжамын жасаған синоптиктер осылай дейді, деп хабарлайды Stan.kz ақпарат агенттігі «Қазгидромет» РМҚ-ға сілтеме жасап. 

Синоптиктердің болжауынша, еліміздің оңтүстігіндегі белсенді фронтальді бөліктердің әсерінен алдағы үш тәулікте жаңбыр, кей жерлерде қатты жаңбыр және найзағай күтіледі. 

Ал суық арктикалық атмосфералық фронттардың ықпалынан республиканың солтүстік облыстарында жауын-шашын, жаңбыр, жылбысқы қар жауып, көктайғақ болуы ықтимал. Ауа температурасы 2-10 градус аязға дейін төмендейді деп күтіледі. 

Сондықтан мамандар ауа температурасы климаттық нормадан 2-5 градус төмен, ал оңтүстік облыстарда 2-5 градус жоғары болады деп болжап отыр.