тиын, тенге, ақша туралы мақалдар

Ақшаның жайын жарлыдан сұра,
Адамның жайын арлыдан сұра.

Ақшаңнан айрылсаң,
Өкінерсің, күйінерсің.
Арыңнан айрылсаң,
Қайтып тірі жүрерсің.

Балтам барда тақта жоқ,
Қалтам барда ақша жоқ.

Ақшалының қолы ойнар,
Ақшасыздың көзі ойнар.

Ақша ашпайтын құлып жоқ.

Ақшада көз жоқ.

Ақша сіздікі,
Мал біздікі.

Ақша кетуге тырысады,
Есеп ұстауға тырысады.

Ақша болса — алақанда сорпа қайнайды.

Базарда бәрі бар,
Ақшасыз ешкім бермейді.

Ажалдан ақша беріп құтылмас.

Ақша ақшаны қимайды,
Дән дәнді жинайды.

Теңге — тиыннан,
Ынтымақ — ұйымнан.

Әр жеген асқа,
Қажет екен ақша.

Мың істі қатар бастағаннан ақшаң көбеймейді.

Өсімге алған қарыздан
Қампаймайды қарының.

Әкесінің ақшасына үйленген,
Әйелінің қадірін білмейді.

Қарыз алған ақшамен байымассың.

Қара бұлтты жел ашар,
Қара құлыпты пара ашар.
Аппақ ақшаң қаралы күнге қажет.

Бір тиын беріп айттыра алмайды,
Мың тиын беріп қойдыра алмайды.

Жарлының қалтасына ақша түссе,
Тырна болып сұңқылдайды.

Есегі бір теңге,
Тоқымы мың теңге.