Ақтауда көлік капотынан атып шыққан алып жылан жүргізушіні шошытты (ВИДЕО)

Ақтауда көлік жүргізушісінің темір тұлпарынан алып сұр жылан атып шыққан. Көлік иесі жорғалаушыны бейнежазбаға түсіріп, желіге жүктеп үлгерген. Мамандар жыланды көлік капотының жылы болғаны үшін келді дейді.

Желіде тарап кеткен бейнежазбадан жыланның көлік капотынан атып шыққанын анық көруге болады. Мамандардың айтуынша, жылан көлік капотына жылу іздеп келген екен.

«Жорғалаушы сарыбас жылан деп аталады. Көліктің капоты жылы болғандықтан, сол үшін сонда кіріп алған. Көлік иесі мүмкін су жағасына барған шығар, жылан бәлкім сол уақытта капотқа кіріп алған болар.Жыланның бұл түрі адамға ешқандай қауіп төндірмейді», — дейді мамандар.