Жасөспірімдер әйелдерге арналған гигиеналық төсемелерден есірткі жасап қолдана бастаған

0

Мұндай есірткілік затты Ява аралындағы басқа да қалаларда қолданады екен.

Индонезияның Джакарта, Бекаси және Кудус қалаларында әйелдерге арналған гигиеналық төсемелерден есірткі жасаған жасөспірімдер ұсталды. Бұл туралы The Jakarta Post басылымына сілтеме жасап Stan.kz.

Басылым мәліметінше, мұндай есірткілік затты Ява аралындағы басқа да қалаларда қолданады екен. Балаларды қорғау комиссиясының мүшесі Ситти Хикмаваттидің мәлімдеуінше, 2017 жылдан бері есірткінің осы түріне әуестенген жасөспірімдер саны артқан.

Coconuts.co сайтының мәліметінше, бастапқыда мұндай есірткіні кедей аудандарда тұратындар пайдалана бастаған. Олар тіпті қоқыстан табылған гигиеналық төсемелерден есірткі жасапты. Ендігі нашақорлар есірткіні қолдан жасау үшін әйелдерге арналған төсемелерді арнайы сатып алуда.

Гигиеналық төсемелерден жасалатын есірткінің рецепті 2 жыл бұрын ойлап табылған. 2016 жылы индонезиялыө басылымдар бұл есірткіге Ява аралынан 600 шақырыда орналасқан Белитунг аралындағы жасөспірімдер әуестеніп жүргенін жазған.

Telegram арнасындағы маңызды жаңалықтар «zakon.kz». Жазылу!