Түркістанда дабыл қағылды

0

Оқиға

Қысқа сілтеме алу

784 0 0

Облыс орталығының құтқару қызметі көктемгі су тасқынына дайындық жасап, түнгі жаттығулар өткізді

АЛМАТЫ, 18 ақпан – Sputnik. Түркістанда ақпанның он сегізіне қараған түні дабыл қағылды, деп хабарлайды Otyrar.kz порталы.

Басылымның хабарлауынша, Түркістан қаласы әкімдігі су тасқынына дайындық жасап, құтқару қызметіне түнгі жаттығулар ұйымдастырған. Оқу-жаттығу жұмыстары қала маңында өткізілді.

«Жаттығу барысында Шаған каналының арнасын тазаладық, қамыс өртедік. Көктемде су ағатын кезде мәселе туындамас үшін бірнеше шақырымды тазалап, канал аштық. Көктемде су тасқыны болады деп күтілуде. Төтенше жағдай болмас үшін осындай оқу-жаттығу жұмыстарын өткіздік», – деді Түркістан облысы төтенше жағдайлар департаментінің қызметкері Талғат Досалиев.

Жаттығу жұмыстарына Түркістан қаласының әкімі Рашид Аюпов та қатысты.

«Оқу-жаттығуларға жүзден астам адам, отыздан астам арнайы техника жұмылдырылды. Қала тұрғындарына қауіп төніп тұрған жоқ, бұл жай тексеру әрі жаттығу жұмыстары. Қалада бәрі тыныш, алаңдамаңыздар», – деп түсіндірді Рашид Аюпов.

Портал мәліметінше, қала әкімі құтқарушылар кез келген сәтте төтенше жағдайға дайын болуы үшін осындай жаттығулар жиі өткізіліп тұрады деп уәде берген еді.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз