Стенин атындағы конкурстың гран-приін рохинджа босқындарының өмірі туралы фото алды

0

Қоғам

Қысқа сілтеме алу

0 0 0

2019 жылғы Стенин атындағы конкурс Гран-приді италиялық фотожурналистке тапсырды

НҰР-СҰЛТАН, 10 қыркүйек – Sputnik. Мәскеудегі Мемлекеттік тарих мұражайында өткен салтанатты шарада Андрей Стенин атындағы 5-ші халықаралық фотожурналистика конкурсының қорытындысы жарияланды.

Байқаудың ең жоғары марапаты – Гран-при италиялық фотограф Габриэль Чеккониге «Санда бар, сапта жоқ және жер» топтамасы үшін берілді, деп хабарлайды РИА Новости.

Бұл оқиғаның басты кейіпкерлері – көшіп-қонуға мәжбүр болған Рохинджа және Бангладештің оңтүстік аумақтарының босқындары.

Босқындар мен мәжбүрлі көші-қон тақырыбы 2019 жылғы байқау үшін өзекті мәселеге айналды. Оны жас фотографтар қазіргі әлемнің ең азапты құбылыстарының бірі ретінде зерттеп, бөліп көрсетеді.  

Марджон (35 жаста) екі жасар ұлы Мұхамедпен бірге. Екеуі де жедел респираторлық инфекциямен ауырады

«Басты жаңалықтар» номинациясында Сириядан шыққан франциялық фотограф Самир Әл Думидің «Бір жанжалдан екіншісіне» атты фотосы бірінші орынға ие болды. 

Джастин Салливанның (Оңтүстік Африка Республикасы) «Арамен кесу» фотосуреті  «Менің ғаламшарым» номинациясындағы ең үздік жеке жұмыс атанды. Осы номинацияда «Менің Якутиям» жұмысымен ресейлік Алексей Васильев жеңіске жетті.

Спорт номинациясында «Шешуші соққы»фотосымен үнді фотографы Аянава Сил (жалғыз фотосурет) және «Жалғыз олимпиадашы» фотосымен ресейлік Алексей Филиппов үздік шықты.

 «Портрет. Біздің уақыттың қаһарманы» номинациясы бойынша бірінші орынға Франция мен Бангладештің фотожурналистері ие болды. Жеке категорияда француз Франсис Руссоның «Аругам Бэйлік әйелдер» фотосы жеңді.

Стенин атындағы конкурс 2019 жылы алғаш рет «Шабыт» номинациялары тізіміне енгізілді. Бұл номинацияда Андреа Алаидың (Италия) «Дуаланған» фотосы үздік атанды.

Дәстүр бойынша конкурс аясында қатысушылар үшін арнайы жүлделер тағайындалды. 2019 жылы олар төрт санаттағы жұмыстарға берілді – «Басты жаңалықтар», «Менің ғаламшарым», «Портрет. Біздің уақыттың қаһарманы» және «Шабыт».



sputniknews.kz