Роза Рымбаева Мәукеуде жүлдеге ие болды
Қазақстанның халық әртісі Роза Рымбаева ресейлік «Ұлттық айбын» сыйлығының «Құрмет және даңқ» номинациясында жеңіске жетті.
«Мәдениетті дамытуға қосқан сүбелі үлесі және өз ісіне адалдығы үшін» Қазақстанның халық әртісі Роза Рымбаева Ресейдің «Ұлттық айбын» сыйлығымен марапатталды. Әртіс суретін Instagram парақшасында жариялады. Марапаттау рәсімі 30 қарашада Мәскеудегі мемлекеттік Кремль сарайында өтті.
«Ұлттық айбын» («Национальное величие») сыйлығы тәуелсіз қоғамдық сыйлық болып табылады. Ол ресейлік және шетелдік қайраткерлерді ынталандыру мақсатында беріледі. Рымбаевадан өзге, КСРО халық әртістері Армен Джигарханян мен Эльдар Рязанов, Ресейдің еңбек сіңірген бапкері Татьяна Тарасова мен тағы да басқалар сыйлықтың лауреаты атанды.
