Ресей Ту-160М зымыран тасығыштары өндірісін жандандырды

0

Қазір он жаңартылған Ту-160М зымыран тасығышы дайындалып жатыр (партияның жалпы құны – 150 миллиард рубль). Ұшыру сынағы 2020 жылдың соңында басталады.

«Интерфакс» ақпаратынша, алғашқы қайта жасалған стратегиялық Ту-160М бомбалаушы-зымыран тасығышы Ресейдің қорғаныс министрлігіне 2021 жылы беріледі (бұған дейін Ту-160М2 атауы қолданылған еді).

«Туполевтің» мәліметінше, Ресейдің қорғаныс министрлігі барлығы осындай 50 машина сатып алуды жоспарлап отыр. Мұнымен бірге, 16 әскери «стратег» Ту-160М деңгейіне дейін терең жаңғыртудан өткізілуде.

Жаңа Ту-160М борты интеграцияланған модульді авионика элементтерімен жасалады. Зымыран тасығыштың басқа да технологиялық элементтері, атап айтқанда, борттағы радиоэлектронды жабдықтар, қаруландыруды басқару кешені, экипаждың тіршілігін қамтамасыз ету жүйесі эволюцияға ұшырайды.

Сериялық Ту-160М жаңа сипаттағы машина ғана емес, мүлде жаңа ұшаққа айналмақ. «Радиоэлектронды технологиялар» концерні заманауи есептеу және борттық жүйелерді, бақылау құралдарын, инерциалды навигация жүйесін, радиоэлектронды күрес кешенін, қаруландыруды басқару жүйесін жасайды. Жаңғыртылған Туполев-160М бомбалаушысы ең заманауи әуеге қарсы қорғаныс жүйесімен, сенімді қорғау жүйесімен жарақтандырылады.

Ту-160М стратегиялық бомбалаушы үшін ең жоғары жылдамдықпен – сағатына 2200 шақырымға дейін ұшуға қауқарлы. Басқа да сипаттамалары бойынша батыс аналогтарынан асып түседі.

Тағы оқыңыз: Түркия ресейлік С-400 радарларын сынақтан өткізе бастады – видео

2000 жылға дейін Ту-160 бомбалаушы-зымыран тасығышының 36 данасы ғана шығарылған еді. Қазан авиация зауытында Ту-160М нұсқасындағы стратегиялық бомбалаушылардың өндірісін жандандыру туралы шешім 2015 жылы қабылданды. Ал екі жылдан кейін жаңа зымыран тасығыш салынды. Ол 2018 жылдың 25 қаңтарында алғаш рет әуеге көтерілді.



sputniknews.kz