Қазақстан президенті барлық әкімнің өкілеттігін тоқтатты

0

Саясат

Қысқа сілтеме алу

1 0 0

Өкілеттігі тоқтатылған әкімдер мен мемлекеттік орган басшылары орнына жаңа басшылар тағайындалғанға дейін міндеттерін атқаратын болады

НҰР-СҰЛТАН, 12 маусым – Sputnik. Қазақстанның сайланған президенті Қасым-Жомарт Тоқаев Нұр-Сұлтан, Алматы, Шымкент қалаларының және облыстардың әкімдерінің өкілеттігін тоқтату туралы жарлыққа қол қойды. Құжаттың мәтіні Ақорда сайтында жарияланған.

«Қазақстан Республикасы Конституциясының 87-бабы 5-тармағына сәйкес жаңадан сайланған Қазақстан Республикасының президенті қызметіне кіріскен кезде Нұр-Сұлтан, Алматы, Шымкент қалаларының және облыстардың әкімдері өкілеттігінің тоқтатылуына байланысты қаулы етемін», – делінген жарлықта.

Сонымен қатар, мемлекет басшысы өзіне тікелей бағынатын және есеп беретін мемлекеттік орган басшыларының өкілеттігін тоқтату туралы жарлыққа қол қойды.

Тағы оқыңыз: Сайлаудан соң үкімет отставкаға кете ме – Тоқаев жауап берді

Құжаттарға сәйкес, әкімдер мен мемлекеттік органдардың басшылары орындарына жаңа басшылар тағайындалғанға дейін өз міндеттерін атқара береді.

Жарлықтар қол қойылған күннен бастап күшіне енеді. 



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз