Президент Дулат Ағаділдің өліміне қатысты пікір білдірді

0
Қасым-Жомарт Тоқаев Дулат Ағаділдің өлімі қоғамда дау тудырғандықтан, бұл іспен мұқият танысқанын жеткізді

НҰР-СҰЛТАН, 29 ақпан – Sputnik. Мемлекет басшысы Қасым-Жомарт Тоқаев қоғам белсендісі Дулат Ағаділдің өліміне қатысты пікір білдірді.

«Қоғамдық резонансты ескере отырып, мен бұл іспен жете таныстым. Өкінішке қарай, белсенді Ағаділ жүрек жетіспеушілігінен қайтыс болды деп сеніммен айта аламын. Себепті басқадан іздеу – шындықты бұрмалау деген сөз», – деді Тоқаев Informburo.kz ақпарат порталына берген сұхбатында жұрттың ресми ақпаратқа сенбей отырғаны туралы сұраққа жауап бере отырып.

Президент өз сөзінде марқұм кім болса да, қандай көзқарасты ұстанса да, ең алдымен оның адам екенін, ал адам өмірі бірегей және бағасыз екенін атап өтті.

«Бәріміз де Алланың жазғанына бағынамыз. Иманды болсын», – деді мемлекет басшысы.

Тағы оқыңыз: Прокуратура Ағаділдің денесіндегі жарақат іздерін түсіндірді

Ағаділдің өлімі

25 ақпанда ішкі істер органдары Нұр-Сұлтандағы тергеу изоляторында қоғам белсендісі Дулат Ағаділдің қайтыс болғанын хабарлады. Оқиға орнына жеткен жедел жәрдем бригада қызметкерлері ер адамның өлімін растады.

Ағаділ қаңтар айында сырттай айыпты деп танылып, оған қатысты ешқайда кетпеу туралы бұлтартпау шарасы қолданылған еді. Мұны орындамағаны үшін сот қоғам белсендісіне қатысты шараны қамауға алмастырды.

24 ақпан күні кешке Ағаділ үйінен тергеу абақтысына жеткізілді. Оған қатысты қылмыстық заңбұзушылық жасап, судья мен сот отырысына қатысушыларға тіл тигізгені үшін қылмыстық іс қозғалған болатын.

Тағы оқыңыз: Дулат Ағаділдің анасы прокуратураға арыз түсірді

sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз