Монако князі коронавирус жұқтырып алды — Қазақстан жаңалықтары

Монако князі Альберт II COVID-19 коронавирусымен ауырып қалды. Бұл туралы князь сарайы таратқан мәлімдемеде айтылған, деп хабарлайды Stan.kz ақпарат агенттігі.

«Осы аптаның басында анализден өткен Монако князі II Альберт COVID-19-ға оң нәтижесін көрсетті. Оның денсаулық жағдайы алаңдаушылық туғызбайды», — делінген құжатта.

Беогілі болғандай, Альберт II өз кеңсесінен жұмысын жалғастырып жатыр.

Князьдің коронавирусты жұқтырғаны туралы ақпарат Монако мемлекеттік министрі Серж Тельдің коронавирусқа тестінің оң нәтижесін алғаннан кейін үш күннен кейін пайда болды.