«Коронавирус жасасын»: Ер азамат ауруды жұқтырмаудың ерекше әдісін тапты — Қазақстан жаңалықтары

Италияның тұрғыны коронавирус жұқтырмауы үшін ерекше айла қолдануы жөн көріпті. Өзін басқаларынан алшақ ұстау мақсатында ол беліне картоннан жасалған шеңбер киіп алған, деп хабарлайды Stan.kz ақпарат агенттігі.

Ер азамат түсірілген видео Twitter желісінде таралған. Ол беліне үлкен қағаз диск киіп алып Римде қыдырып жүріпті. Оның бұл қылығы әлеуметтік желілердің пайдаланушыларын күлдірді. 

Бейнежазбаға түсірілген ер азаматтың «коронавирус жасасын» деген даусы естіледі. 

Атап кетерлік жайт, қазір Италия бүкіл мемлекет бойынша карантин жариялаған еді. Қазіргі таңда бұл мемлекетте 12 мыңнан астам науқас тіркеліп, олардың 827-і коронавирустан көз жұмған.