Катар Қазақстанға гуманитарлық көмек жіберді – Қазақстан жаңалықтары

0

Катар COVID-19-бен күресу үшін медициналық қорғаныс құралдарын жіберді, деп хабарлайды Stan.kz ақпарат агенттігі. 

Катар

Бұл туралы ҚР сыртқы істер министрлігінің баспасөз қызметі мәлімдеді. 

Бүгін «Qatar Airways» әуекомпаниясының арнайы рейсімен Дохадан Нұр-Сұлтанға жалпы салмағы 8.5 тонна құрайтын гуманитарлық жүк жеткізілді. Оның ішінде жеке қорғану құралдары бар – жоғары сапалы N95 респираторлы медициналық маска, арнайы киім, қолғап, көзілдірік, халат және өзге де медициналық құралдар.

Көмек Катар Әмірі шейх Тамим бен Хамад Әл Танидің тапсырмасы бойынша ұйымдастырылды. Қазақстанның сыртқы істер министрлігі Қатар тарапына гуманитарлық көмек үшін алғысын білдіреді.

Қатардың бұл игі әрекеті екі мемлекет арасындағы дәстүрлі достық қарым-қатынастың, сондай-ақ пандемияға қарсы іс-қимыл жөніндегі халықаралық күш-жігердегі ынтымақтастықтың көрінісі.

Гуманитарлық жүк медициналық мекемелер арасында одан әрі тарату үшін «СҚ-Фармация» ЖШС-на табысталады.

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз