Карантин режимі күшейетін аймақтар тізімі аталды

Біртанов кейбір өңірлерде карантиндік шаралардың босаңсуы коронавирустың көбеюіне алып келгенін атап өтті.

Қазақстан Республикасы Премьер-Министрінің орынбасары Ералы Тоғжановтың төрағалығымен Коронавирустың таралуын болдырмау жөніндегі ведомствоаралық комиссияның отырысында елдегі қазіргі эпидемиологиялық жағдай, жеке қорғаныс құралдарымен қамтамасыз ету, Қазақстан Республикасы азаматтарын шетелден шығару, сондай-ақ басқа да өзекті мәселелер қаралды

Денсаулық сақтау министрі Елжан Біртанов өз баяндамасында кейбір аймақтарда карантиндік шаралардың жеңілдетілуі коронавирус ауруының өсуіне әкеліп соқтырғанын атап өтті.

Осыған байланысты вице-премьер Батыс Қазақстан, Қызылорда және Маңғыстау облыстарының әкімдіктеріне санитарлық-эпидемиологиялық талаптардың сақталуын, оның ішінде шектеу шараларын күшейтуді бақылауды күшейтуді тапсырды.

Облыстардың әкімдіктері санитарлық-эпидемиологиялық талаптардың сақталуын қатаң бақылауды қамтамасыз етуі керек. Егер кәсіпкерлік субъектілері оларды орындамаса, бұзушылықтар жойылғанға дейін олар уақытша жабылуы керек. Бұл біздің азаматтарымыздың қауіпсіздігін қамтамасыз ету үшін қажет », — деді Тоғжанов.

Отырыс қорытындысы бойынша Премьер-Министрдің орынбасары Ералы Тоғжанов бірқатар нақты тапсырмалар берді.