Еркінбай Әкімқұлов дүниеден озды

0

Қоғам

Қысқа сілтеме алу

0 0 0

Еркінбай Әкімқұлов биыл қыркүйек айында 82 жасқа толар еді

НҰР-СҰЛТАН, 20 тамыз – Sputnik. 82 жасқа қараған шағында белгілі жазушы, Қазақстан Жазушылар одағының мүшесі, «Мақтаарал» ауданының құрметті азаматы Еркінбай Әкімқұлов дүниеден озды, деп хабарлады Қазақстан Жазушылар одағы Facebook желісіндегі парақшасында.

«Марқұмды ақтық сапарға шығарып салу рәсімі ертең, 21 тамыз күні сағат 10.00-де Қазақстан Жазушылар одағында өтеді», – делінген жазбада.

Еркінбай Әлімқұловтың өмірбаяны

Әкімқұлов Еркінбай 1937 жылы 4 қыркүйекте Түркістан облысы Отырар ауданы Балтакөл ауылында туған.

1959 жылы Қазақ мемлекеттік университетін бітірген соң, республикалық «Лениншіл жас» (қазіргі «Жас алаш») газетінде әдеби қызметкер, бөлім меңгерушісі, Алматы қалалық партия комитетінде нұсқаушы, «Жазушы» баспасында редакция меңгерушісі, «Қазақ» радиосында аға редактор, «Жалын» баспасы бас редакторының орынбасары, «Рауан» баспасында редакция меңгерушісі, редактор, «Кітап жаршысы» (Друг читателя) басылымында бас редактор болып істеген.

Жазушының «Қарақозы Әбдәлиев», «Даңқым –дәуірім» очерктері мен «Перизат сезім», «Қыз күнделігі» повестер мен әңгімелер жинағы, «Өзбекәлі Жәнібеков» ғұмырнамалық деректі хикаяты сынды бірқатар шығармасы оқырман тарапынан лайықты бағаланған. Көрнекті композитордың өмірін арқау еткен «Шәмші Қалдаяқов – ән патшасы» атты роман эссесі халықтың сүйіспеншілігіне бөленген туындылардың қатарын толықтырды.

Еркінбай Әкімқұлов поляк жазушысы Януш Корчактың «Қайта оралған балалық» повесін, татар жазушысы Р. Мұстафиннің «Кішкентай Мұса» повесін қазақшаға аударса, «Ты – мой светлый мир», «Дневник девушки» деген атпен екі кітабы орыс тілінде жарық көрген.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз