Елордалық белгілі адвокат кісі өлтірді деген күдікке ілінді — Қазақстан жаңалықтары

Елордалық адвокат Құмар Бердалин кісі өлтірді деген күдікке ілініп, екі айға қамалды, деп хабарлайды Stan.kz ақпарат агенттігі. 

Бұл туралы Нұр-Сұлтанның ПД мәлім етті. 

Заңгердің үстінен қылмыстық кодекстің 99 бабы 1 бөлімі (Кісі өлтіру) бойынша қылмыстық іс қозғалған. Ол 8 жылдан 15 жылға дейін бас бостандығынан айырылуы мүмкін. 

«Қазір сотқа дейінгі тергеу амалдары жүргізілуде. Басқа да мәліметтер тергеу мүддесі үшін жарияланбайды», — делінген ресми хабарламада. 

Қазір Бердалин екі айға абақтыға жабылыпты. 

Атап кетерлік жайт, Бердалин бұған дейін бас әскери прокурордың кеңесшісі, әділет полковнигі болған.