Денсаулық министрі: Қазақстанда кез келген адам екпеден бас тартуға құқылы

0

Бұл мәжбүрлеп жасалатын шара емес – Біртанов.

ҚР Денсаулық сақтау министрі Елжан Біртанов еліміздегі екпенің міндетті емес екенін тағы бір мәрте еске салды, деп хабарлайды zakon.kz.

Біртанов Facebook-та мынандай мазмұнда жазба жариялады:

Тағы бір рет екпе туралы шындықа құлақ түрулеріңізді сұраймын.

1) Адамды вакцинациялау дегеніміз – жеке профилактикалық медициналық қызмет, ол қолданыстағы кодекске және жаңа кодекстің жобасына сәйкес кез-келген азаматқа сол адамның немесе оның заңды өкілінің (баланың ата-анасының) келісімімен ғана салынады.

Кез келген адам (ата-ана) одан бас тартуға құқылы.

Бұл мәжбүрлеп жасалатын шара емес.

2) Сонымен бірге, халық арасында жаппай екпе жүргізу – бұл халықты эпидемиялық инфекциялардан қорғаудың ғылыми негізделген және дәлелденген жалғыз әдісі. Демек, бұл кез-келген мемлекет үшін, кез-келген халық үшін міндетті. Бұл – денсаулығымызды сақтаудың міндетті шарасы.

3) Егер вакцинация міндетті емес болса, перзентханалар мен емханалардағы дәрігерлерге оны салу да міндетті болмайды. Ондай жағдайда бұл вакциналарды сатып алудың да қажеті болмайды. Ондайда жылына 4 миллионнан астам жаңа туған бала мемлекеттің есебінен полиомиелит, туберкулез, сіреспе, қызамық, көкжөтел, гепатит, пневмония және басқа инфекцияларға қарсы тегін екпе салудан босатылады.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз