«Біз бай ел емеспіз»: Денсаулық сақтау министрі карантинді әлсіретуге байланысты түсініктеме берді – Қазақстан жаңалықтары

0

Адамдардың коронавирусты жұқтыруының жалғасуына қарамастан, Қазақстан карантинді неге жұмсарта бастады деген сұраққа денсаулық сақтау министрі Елжан Біртанов жауап берді, деп хабарлайды Stan.kz ақпарат агенттігі.

Біртанов өзінің отставкаға кетуін талап еткен резденттерге: Жауап беруге дайын болыңыз

Министр қазақстандық тележүргізуші Динара Сәтжанға сұхбат берді, онда ол Қазақстан карантинді тым ерте әлсіретті ме деген сұраққа жауап берді.

«Егер біз өте бай ел болғанда, онда, әрине, кейбір еуропалық елдер сияқты, үш ай бойы карантинді өткізер едік. Бірақ біз әлі күнге дейін, өкінішке орай, үш ай бойы адамдарға түк істетпей үйде оқшаулайтын бай ел емеспіз. Біз жұмыс істеуіміз керек, өзімізді және отбасымызды асырауымыз керек», – деді Елжан Біртанов инстаграмда өткен тікелей эфирде.

Көптеген қазақстандықтар шағын және орта бизнес саласында жұмыс істейді, бұл карантин әлсіретілген кезде ескеріледі, деді министр.

Ол «не болса, о болсын», деп адамдарға коронавируспен ауыруға мүмкіндік беретін «кейбір елдердің саясатымен келіспейтінін» баса айтты. Біртановтың айтуынша, карантин қажетті шара.

«Біз мүмкіндігінше алдын-алу шараларын қабылдау керек деп санаймыз. Біз карантинді өте сәтті қолдандық және оны керек кезде алып тастадық. Карантин өте тиімді, бірақ өте қымбатқа түсетін шара. Егер біз карантин қолдануды жалғастыра берсек, күзде басқа науқастарды емдейтін ештеңеміз қалмайды», – деді министр.

Әңгіме барысында Динара Сәтжан Қазақстаннан Дүниежүзілік денсаулық сақтау ұйымынан материалдық көмек алып жатыр ма деп сұрады.

«Бұл көбінесе психологиялық қолдау. Біздің үкіметтің жұмсайтын ақшасы ДДСҰ-мен салыстырғанда, психологиялық қолдауға қарағанда көбірек. Біз ДДСҰ немесе басқа елдерден ешқандай қомақты ақша алып жатқан жоқпыз. АҚШ, Қытай және т.б. елдерден технологиялық көмек қабылдаймыз. Біз соған да ризамыз, бірақ біз үшін әдістемелік қолдау маңызды: емдеу технологиялары, тәсілдер. Біз ешкімнен ақша сұрамаймыз, тестілеуге, емделуге қаражатымыз жетерлік», – деп жауап берді Біртанов.

Жалпы алғанда, коронавируспен күресу үшін дәрі-дәрмектер, сынақтар мен медициналық мақсаттағы бұйымдарды сатып алуға бюджеттен қосымша 100 миллиард теңге бөлінді.

«Біз әлі үш ай аралығындамыз. Бұл жұқпалы ауруханаларға, карантинге арналып ашылған ауруханаларға ақы төлеуге арналған қаражат. Олар жалақы, емделу, халат, маска үшін төледі. Бұл Қазақстандағы жұқпалы ауруларға арналған 50-60 аурухана, сонымен бірге дәріханалардың бірдей мөлшері, карантиндік медициналық мекемелер. Бұл науқастарды емдеу үшін біз шамамен 37 мың төсек орындарын орналастырдық», – деді Елжан Біртанов.

Сонымен қатар, жеке қорғаныс құралдарын сатып алуға шығындар көбейді. Бұған дейін Қазақстан жылына 20 миллионға жуық бетперде сатып алатын. Енді індет кезеңінде айына 15 миллионға жуық маска қолданылады. Сонымен қатар, олар дәріханаларда қымбаттады, өйткені шикізат бағасы қымбаттады.
 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз