Бас қатты ауырғанда не істеу қажет?

1. Қатты бас ауырғанда желкеден бастап белге дейін массаж жасап, басуға болады; 

2. Күніге таңертең 1 стақан сүтке 1 ас қасық бал салып, 0,2 гр тасдәріні (мумие) қосып ішу керек; 

3. Бастың ауырған тұсына қырыққабат, өгейшөп, жалбыз жапырақтарын басады; 

4. Киікоты (душица) жапырағын майдалап турап, иісін иіскеп бас ауруынан арылуға болады; 

5. Қыша қағазын 15 минут желкеге қойып бас ауруын емдеуге болады; 

6. Картопты домалақ әрі жұқа етіп турап бастың ауырған тұсына таңса шипа болады; 

7. Қатты уайымдап, ойланғаннан бас ауырса, жылы бұлау қабылдап, аяқты ыстық суға 15-20 минут салып отырады. Содан соң 1 стақан қайнаған ыстық суға 1 шай қасық жалбыз ұнтағын салып демдеп, ыстық күйінде ішеді; 

8. Құлақтың тесігіне сиятындай етіп мақта орайды да, оны қызылша немесе пияз шырынына малып құлаққа тығып қояды. Сосын басты жүннен тоқылған орамалмен байлап тастайды. Бұл тәсіл бас ауруынан толығымен айықтырады; 

9. Бас ауруын емдеудің тағы бір тәсілі – пиязды екіге бөліп самайға 15-20 минут басады; 

10. Алма сірке суынан дайындалған мұзбен маңдай, самай, желкені ысқылап сүрту керек; 

11. Арнайы медициналық балшықты маңдай, желке, самайға жабыстырып жату керек; 

12. Ас тұзын қалтаға салып 2-3 минутқа мұздатқышқа қояды. Сосын оны бастың төбесіне басып, жатып демалу керек. 10 минуттан соң осы тұзды көзді жұмып сыртынан 10-15 минут басады; 

13. Аяқ, тобық және саусақтарға бар күшпен жылдам 15-20 минуттан массаж жасайды; 

14. Лимон қабығын самай мен маңдайға басады; 

15. Ыдысқа салқын су құйып, қолды 2-3 минут салады. Енді қолды шығарып 1 минуттай кептіреді. Осы емді 3-4 рет жасап бас ауруынан арылуға болады. 

Ал сіз бас ауырғанда не істейсіз? Дәрі ішпей, ауруды басу үшін қандай әдіс-тәсілдерді қолданасыз?

Дереккөз: Reactor