«Барлығы қорқып отыр»: Қытайдан Қазақстанға эвакуацияланған қазақ студенті сұхбат берді – Қазақстан жаңалықтары

0

Қытайдан эвакуацияланған отандастарымыздың бір легі үйіне жіберілді. Арнайы рейспен Алматыға жеткізілген 171 азамат үш күн бойы карантинде болған, деп хабарлайды Stan.kz ақпарат агенттігі «КТК» арнасына сілтеме жасап.

қыз студент

Олар ұшақтан түскен бойда қала іргесіндегі инфекциялық клиникаға жеткізілген еді. Мұнда күні-түні дәрігерлердің бақылауында болған адамдардан қауіпті коронавирус белгілері байқалмапты. Сондықтан барлығы да енді тұрғылықты мекен-жайында бақылауда болады. Қысқа мерзімге карантинге жатқызылғандардың көпшілігі өзге қала тұрғындары. Сондықтан оларды арнайы автобустармен теміржол вокзалы, әуежай мен автовокзалдарға дейін жеткізіп салды. Сөмкесін сүйреп, жүгін арқалаған жастардың көпшілігі Қытайда оқып жүрген студенттер. Олар жұқпалы індет ауыздықталғанша елде болмақ. Өйткені инфекция жайлаған көрші елдің барлық қаласында «тіршілік тоқтап қалғандай» дейді аман-есен елге келгендер. Мәселен, студенттердің барлығын жатақханаға қамап тастаған. Көшеге 2-3 күнде бір-ақ рет шығуға рұқсат беріліпті.

«Мен өз университетімде ең соңғы қазақ студенті болғам. Бізде 300 қазақ оқиды. 300 қазақтан ең соңғысы болып мен оралдым. Өте қорқынышты. Біздің жатақ бөлмелерімізді жауып тастады. Азық-түлік пен керек заттарымызды апайлар арқылы алып отырдық. Барлығы қорқып отыр. Бірақ осы уақытқа дейін қазақ студенті немесе қазақ азаматы ауырды дегенді естіген жоқпын», – дейді  Таңшолпан Шұғатаева.

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз