Балалар коронавирусты оңай көтереді- дәрігерлер – Қазақстан жаңалықтары

0

Балалар коронавирус инфекциясын ересектерге қарағанда оңай қабылдайды және басқаларға оны сирек жұқтырады. Мұндай тұжырымды Иерусалимдегі «Хадасса» ауруханасының педиатрия бөлімінің меңгерушісі Яков Беркун жасады, деп хабарлайды Stan.kz ақпарат агенттігі РИА Новостиге сілтеме жасап.

Ақтауда балабақшада 1 жасар бала көз жұмды

«Балалар бұл ауруды оңай жеңе алады. Бізде көп тәжірибе бар деп айтуға болады – әлемде төрт миллион науқас бар. Сонымен қатар, балалар аурудың көзі болса да, басқаларға вирусты сирек жұқтыратындығын көрсететін бірқатар зерттеулер жүргізілді. Әдетте бұл ауруды ересек адам көтереді», – деді профессор Яков Беркун.

Дәрігер бұл құбылыстың себебі балалардың иммунитетінің ерекшеліктерінде болуы мүмкін дейді.

«Балаларда иммундық жүйе жеткілікті түрде дамымаған, иммундық жүйенің көптеген компоненттері бар. Ал әзірге әлі жетілмеген бөлігі коронавируспен күресудің қажеттілігін тудырмайды. Ал туа біткен иммундық жүйе балаларда анағұрлым тиімді. Бұл вирустың белгілі бір рецепторлар арқылы біздің жасушаларымызға ену механизмін білеміз, балаларда бұл рецепторлар аз, сонымен қатар жасушалардың ішінде сигналдар бар, балаларда бұл сигнал аз жұмыс істейді. Бәлкім сондықтан вирус ағзаға аз еніп, инфекция аз жағдайда басталады», – дейді Яков Беркун өз тәжірибесімен бөлісіп.

Алайда, Израиль дәрігерлері ерекше жағдайларға тап болды, коронавирустан айыққан балаларда індет қайтадан қабынуы мүмкін. Дәрігер «Хадасса» ауруханасына ауыр қабыну белгілері бар жасөспірімнің жағдайын мысалға келтірді. Коронавирусқа тән белгілер, балада байқалмаған.

«Кейіннен балада миокард қабынуы дамыды, оның жағдайы нашарлап, ол қарқынды терапияға жіберілді. Ауыр қабыну синдромы болды. Осы кезеңде біз кез-келген жұқпалы аурудан бас тартқаннан кейін, біз оны аутоиммунды жолмен емдей бастадық және оған қарсы дәрі-дәрмектер бердік. Иммундық жүйені қалпына келтірген соң, біртіндеп оның жағдайы тұрақтанды.Оның себебі коронавирусқа байланысты болды деген болжам айтылды, бірақ вирустың болуына жасалған барлық сынақтар теріс болды. Серологияны тексерген кезде ғана талдау көрсеткендей COVID-19-ге қарсы антиденелер болды, яғни жақында – екі апта бұрын ол вируспен асимптоматикалық түрде ауырған болатын. Мүмкін бұған байланысты шығар», – деді дәрігер.

Профессордың айтуынша, тағы екі жағдай Израильдің басқа ауруханаларында тіркелген. Сонымен қатар, дәрігер атап өткендей, бұл сау жасөспірімдердің мәселесі. Мұндай науқастардың бірнешеуі басқа елдерде болғаны белгілі.

«Біз бұған кімнің бейім екенін білмейміз, бірақ мұндай құбылыс орын алады. Бұл өте сирек кездеседі – әлемде шамамен 20 жағдай, бұл белгілі бір адамдардың вирусқа реакциясымен байланысты», – деп қорытындылады дәрігер.

 

 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз