Атышулы шенеуніктерді тергеген Кексельдің ісіне нүкте қойылды

0

Қоғам

Қысқа сілтеме алу

0 0 0

Бұған дейін танымал тергеушінің үстінен азаптау туралы арыз түскені хабарланған болатын.
Олеся Кексель бұған дейін сыбайлас жемқорлыққа қатысты атышулы істерді тергеумен айналысқан

НҰР-СҰЛТАН, 13 желтоқсан – Sputnik. Бас прокуратураның арнайы прокурорлар қызметінің бұрынғы басшысы Олеся Кексельге қатысты сотқа дейінгі тергеу тоқтатылды. Бұл туралы ішкі істер министрі Ерлан Тұрғымбаев айтты, деп хабарлайды Sputnik Қазақстан тілшісі.

«Кексельге қатысты сотқа дейінгі тергеу 5 желтоқсанда қылмыс құрамының болмауына байланысты тоқтатылды», – деді Тұрғымбаев үкімет кулуарында.

Министрдің айтуынша, барлық тергеу амалдары жүргізілген, материалдар заңдылықты тексеру үшін прокуратураға жолданды.

Бұған дейін танымал тергеушінің үстінен азаптау туралы арыз түскені хабарланған болатын.
Олеся Кексель бұған дейін сыбайлас жемқорлыққа қатысты атышулы істерді тергеумен айналысқан.

Атап айтсақ, бұрынғы премьер-министр Серік Ахметовтың, экс-денсаулық сақтау министрі Жақсылық Досқалиевтің және бұрынғы ұлттық экономика министрі Қуандық Бишімбаевтың ісін тергеді.

Тағы оқыңыз: Кешірім сұрады: мерзімінен бұрын бостандыққа шыққан жемқор басшылар кімдер?

Сыбайлас жемқорлыққа қарсы іс-қимыл ұлттық бюросы (сыбайлас жемқорлыққа қарсы қызмет) тергеу департаменті бастығының орынбасары қызметін атқарды. 2018 жылдың қаңтар айынан бастап бас прокуратураның арнайы прокурорлар қызметін басқарды. 2019 жылдың мамырында қызметінен босатылды.

Күрделі сыбайлас жемқорлық істерін тергегені үшін 2017 жылы II дәрежелі «Айбын» орденімен марапатталып, беделді «Алтын Адам» жүлдесінің «Жылдың мемлекеттік қызметшісі» деп танылды.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз