Атырауда автоцистерна өртеніп кетті: бір адам зардап шекті (видео) — Қазақстан жаңалықтары

Атырауда автоцистерна өртенгендіктен бір адам зардап шекті, деп хабарлайды Stan.kz ақпарат агенттігі. 

Оқиға түсірілген видео әлеуметтік желілерде тарады. Бейнежазбада жанып жатқан жүк көлігін сөндіруге құтқарушылардың келгендігі байқалады. 

Бұл ақпаратты қалалық ТЖД растап отыр. 

«2020 жылы 5 маусымда Атырау қаласы Атамбаев 5 «А»  көшесінде «ПромГаз» ЖШС тиесілі жанармай құю бекетінің маңында өрт шықты. Сыйымдылығы 50 куб метр болатын автоцистерна жарылып, бір адам зардап шекті. Жарақат алған азаматтың тұлғасы анықталуда. Көз жұмғандар жоқ», — делінген ресми хабарламада. 

Еске салайық, бұған дейін Алматының қақ ортасында жолаушылар автобусы өртеніп, оны сөндірмекші болған жүргізушінің қолы күйген еді.