Астанада полиция пиротехника заңсыз сатылатын орындарды тексеріп жатыр – Қылмыс

0

Пиротехниканы сатып алу кезінде сатушыдан рұқсат құжаттарын талап еткен жөн, – деп хабарлайды Тengrinews.kz тілшісі елорда әкімдігінің ресми сайтына сілтеме жасап. 

Астана қаласы полиция департаменті әкімшілік полиция басқармасының азаматтық және қызметтік қаруды бақылау бөлімінің аға инспекторы Азамат Әменнің айтуынша, тәртіп сақшылары аталмыш жұмыстарды Жаңа жыл қарсаңында күшейтілген режимде жүргізеді.

«18 желтоқсан мен 3 қаңтар аралығында пиротехника заңсыз түрде сатылатын орындарды тексереміз. «Шанхай», «BIG Шанхай», «Астаналық» базарларын, «Орбита» дүкенінің ауданын аралаймыз», – деп мәлімдеді Азамат Әмен.

Полиция қызметкерлері, азаматтардың есіне пиротехниканы сатып алу кезінде сатушыдан рұқсат құжаттарын көрсетуді талап ету керектігін, сондай-ақ, өнімнің жарамдылық мерзіміне назар аудару қажеттігін салады.

2017 жылы «Пиротехника» жедел профилактикалық шарасын өткізу барысында петардалар мен от шашулар сияқты өнімдер сатылатын алпыстан аса орын тексерілді. Олардың нәтижесінде пиротехниканы заңсыз сатудың 6 оқиғасы анықталып, сауда орындарының жұмысы тоқтатылды. Сертификаты жоқ пиротехникалық өнімдердің 3 мыңға тарта данасы тәркіленді.


Дереккөз: https://kaz.tengrinews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз