Алматыда іс-түсссіз жоғалып кеткен 14 жасар жасөспірім табылды — Қазақстан жаңалықтары

Алматыда жоғалып кеткен 14 жасар жасөспірім табылды, деп хабарлайды Stan.kz ақпарат агенттігі Алматы қаласының ІІД баспасөз қызметіне сілтеме жасап.

Полиция хабарлағандай, 20 ақпанында хабар-ошарсыз жоғалып кеткен Күнту Шерхан ата-анасына тапсырылды.

«Баланың жағдайы жақсы, ешқандай зиян шекпеген. Ата-анасына дені сау күйінде тапсырдық. Баланы қаланың төменгі бөлігінде тапты. Алматы полициясы департаменті басшылығы және жұртшылық атынан іздестіру іс-шараларына көмектескен еріктілерге ерекше алғыс білдіреміз. Айта кетейік, Күнту Шерханды іздеуге 150-ден астам адам қатысты, олардың ішінде полиция қызметкерлері, еріктілер мен педагогтар бар. Біз жасөспірімнің аман-есен табылатынына сендік. Өз бетімен үйден кетіп қалу себебін әлі анықтап жатырмыз», — деді Алматы қаласы ІІД Жергілікті полиция қызметі басқармасының ювеналды полиция бөлімінің бастығы полиция полковнигі Лейла Әліпбаева.

Естеріңізге сала кетейік, баланың жоғалғаны туралы Алматы қаласы Жетісу ауданының әкімі Мақсат Кикимов Instagram-дағы парақшасында жариялаған еді. Алматыда 14 жастағы жеткіншек із-түссіз жоғалып кеткенін хабарлаған едік.