Алматы маңындағы қоқыс полигонындағы ірі өртті тікұшақпен сөндіріп жатыр – Қазақстан жаңалықтары

0

Алматы облысындағы қатты-тұрмыстық қалдықтар полигонында ірі өртті сөндіруге МИ-8 тікұшағы қосылды, деп хабарлайды Stan.kz ақпарат агенттігі.

өрт

Өңірлік ТЖ департаментінің хабарлауынша, тікұшақ үш тоннаға дейін су тастай алады.

Таяуда басталған өртті түні бойы сөндірген. Өрт алаңы үш гектарды құрайды, қоқыс тастайтын жердің жалпы ауданы – 38 гектар. 

Қазіргі уақытта оқиға орнында 40 өрт сөндіруші, 8 бірлік техника жұмыс істеп жатыр, сондай-ақ, Іле ауданының әкімдігінен 26 адам бар. 

«Өрт орнында үздіксіз су беру ұйымдастырылды. Қазіргі уақытта жанған ошақтарды қалпына келтіру және топырақпен жабу бойынша іс – шаралар жүргізіліп жатыр», – деді ТЖД-де.

Еске салайық, 10 маусымда сағат 14:26-да Алматы облысы ТЖД-ға қоқыс полигонынан өрт шыққаны туралы хабар келіп түскен. Оның түтіні жол апаттарына себеп болған.

Алматы-Қапшағай тас жолының 34 шақырымында қоқыс тастайтын жердің өртенуінен сегіз көлік соқтығысып, жаппай жол-көлік апатына әкеп соқты.

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз