«Әлемде коронавирустың екінші шыңына жету қаупі бар» – ДДСҰ – Қазақстан жаңалықтары

0

Әлем тек COVID-19 бірінші толқынының ортасында, екінші толқынның орнына аурудың екінші шыңына жету қаупі бар. Бұл туралы ДДСҰ денсаулық сақтаудың төтенше жағдайлар жөніндегі бағдарламасының директоры Майкл Райан айтты, деп хабарлайды Stan.kz ақпарат агенттігі. 

коронавирус

«Қазір біз екінші толқында емес, аурудың бірінші толқынының ортасындамыз… Әрбір елде жұқтырған адамдардың нақты саны салыстырмалы түрде аз болып отыр. Және классикалық ұғымдағы аурудың екінші толқыны туралы айтатын болсақ, онда біз әрдайым аурудың алғашқы толқыны бар екенін, оның өзі төмендейтінін, содан кейін бірнеше айдан кейін аурудың жаңа толқыны басталатынын есепке аламыз», – деді ол 25 мамыр күні Женевада өткен брифингте.

Райан бұл кейбір елдерге қатысты болуы мүмкін, бірақ жаһандық ауқымда бірінші толқын әлі аяқталған жоқ деп атап өтті.

«Біз аурудың кез келген уақытта өсіп кетуі мүмкін екенін есте сақтауымыз керек. Егер ауру төмендесе, онда ол төмендеуді жалғастырады,  ал бізде жаңа толқынға дайындалуға бірнеше ай болады. Біз осы толқында екінші шыңға кезігуіміз мүмкін. Бұл басқа пандемиялармен де болған, 1919 жылы «испандық тұмау» кезінде болды. Сондықтан екінші толқын міндетті емес, екінші шыңды қабылдауымыз мүмкін», – деп түсіндірді ДДСҰ өкілі.

Оның айтуынша, тұмаудың маусымымен байланысты және асқынуы мүмкін екінші толқынның пайда болу ықтималдығы осы жылдан кейін бағалануы мүмкін.

Осы брифингте ДДСҰ төтенше аурулар бөлімшесінің техникалық тобының басшысы Мария Ван Керкхове сөз сөйледі. Ол ұшу кезінде адамдар арасындағы қашықтықты сақтауды ұсынды.

«Біздің ұсынысымыз – адамдар арасында бір метр немесе одан да көп қашықтықты (ұшу кезінде) сақтау. Жақында біз тұмау, коронавирус және COVID-19 бойынша жүйелі бағалау жүргіздік және бір метр немесе одан да көп қорғаныс қашықтығын анықтадық. Сондықтан бұл өте маңызды», – деді ол.

 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз