13 мамырда Қазақстанда ауа райы қандай болады

0

Республиканың кей жерлерінде қатты жел соғып, күн күркіреп, бұршақ жаууы мүмкін

Қазгидромет метеорологтары 13 мамырдағы ауа райына болжам жариялады, деп хабарлайды Sputnik Қазақстан.

Республиканың басым аумағы оңтүстік циклонның ықпалында болады, сондықтан батыста, солтүстік-батыста, шығыс пен оңтүстікте атмосфералық ауа ағымдарының әсерінен жаңбыр жауып, найзағай ойнайды.

Бұған қоса, кей жерлерде қатты жел соғып, бұршақ түсуі мүмкін. Оңтүстікте шаңды дауыл көтерілсе, оңтүстік-шығыста тұман түседі деп болжанып отыр.

Мегаполистердегі ауа райы

  • 13 мамырда Нұр-Сұлтанда түнде +8…+10 градус, күндіз +20…+22 градус жылы болады, көшпелі бұлт шығады.
  • Алматыда түнде +12…+14, ал күндіз +25…27 градус ыстық, көшпелі бұлт шығады.
  • Шымкентте де күн жылы болады, түнде +15…17, ал күндіз +29…31 градус ыстық.

Өңірлерде ауа райы қандай болады

Шығыс Қазақстан, күндіз Батыс Қазақстан облыстарында кей жерлерде найзағай ойнап, бұршақ түсуі мүмкін, желдің жылдамдығы секундына 15-20 метрге дейін күшейеді. ШҚО-да кей жерлерде дауыл соғады деп болжануда.

Қызылорда, Түркістан, Қарағанды, Павлодар облыстарында күндіз 20 м/с жел соғады. Түркістан облысының таулы аудандарында найзағай жарқылдайды, Қызылорда облысында күндіз шаңды дауыл көтеріледі.

Атырау облысында кей жерлерде найзағай ойнап, жел күшейеді.

Ақтөбе облысында күндіз найзағай жарқылдайды, желдің екпіні секундына 18 метрге дейін барады.

Қостанай облысында күн күркіреп, найзағай ойнайды деп болжанып отыр.

sputniknews.kz