Нұр-Сұлтанда ұшып бара жатқан сиыр видеоға түсіп қалды

0

Нұр-Сұлтанда сиырды ғимараттың шатырына құрылыс кранымен көтеріп шығарды.
Видео Instagram пабликтердің бірінде жарияланды.

Кадрлардан сиырды аяғынан байлап, салынып жатқан 7-қабатты үйдің шатырына шығарғанын көруге болады. Сондай-ақ, шатырда бірнеше адам тұр.

Видео авторы құрылысшыларға сиырдың не керегі барын түсіне алмай тұр.

Малдың қорыққанын байқауға болады.

Астана полиция департаменті аталған видеоға қатысты түсініктеме берді.

«Аталған фактіге сәйкес, тексеру жұмыстары жүріп жатыр. Мән-жай анықталған соң, құқықтық баға берілетін болады. Құқық бұзушы жауапкершілікке тартылады», — делінген хабарламада.

Желі қолданушылары өз кезегінде жануарларға зорлық-зомбылық әрекеттер жасауды құптамайтынын жарыса жазды.