Ақтөбеде ер адам егде жастағы әке-шешесін пышақтап өлтірді

Ақтөбеде ер адам егде жастағы әке-шешесін пышақтап өлтірді. Бұл туралы Kznews.kz ақпарат агенттігі КТК телеарнасына сілтеме жасап хабарлайды.

Ақтөбе қаласында 4 қыркүйекте сағат 20:30 шамасында өз пәтерінен зорлық-зомбылықпен өлтірілген өлім белгілері бар егде жастағы ерлі-зайыптылардың денесі табылды.

64 жастағы ер адам мен оның 70 жастағы әйелінің өлі денесін пәтерінен қызы тауып алған. Мәйіттер бір күн бойы жатып қалған. Қызы қайта-қайта қоңырау шалып хабар ала алмаған соң, пәтерге келген. Ата-анасының өлі денелерін көріп, бірден полицияға хабарлаған. Күдікті ұзаққа созылмай табылды. Ол марқұмдардың туған ұлы болып шықты.

“Өзім кешқұрым білдім. Ұлы үнемі ішіп жүретін. Әке-шешесін өлтірген соң, қашып кетті-ау деймін. Марқұмдар керемет адамдар еді. Менің немеремнің кіндік шешесі болды. Естігелі, көзімнен жас құрғамады. Ұлы оңбады ғой”, – дейді қала тұрғыны Валентина Зверьева.