Тәліптер өздері қазған орға түсіп өлді
Астана. 4 желтоқсан. KAZISLAM – Ауғанстанның Кандагар қаласында Талибан ұйымының 37 содыры автокөлікке жарылғыш құрылғыны қою үстінде мерт болды.
Anadolu агенттігінің хабарлауынша, тәліптер көлікке жарылғыш зат орнатып, теракт жасауды жоспарлаған. Алайда олардың көздегені іске аспай, дәл орнату кезінде жарылып кеткен. Кандагар губернаторы әкімшілігінің өкілі Әзиз Ахметтің айтуынша, уақиға Маруф ауданындағы тәліптер лагерінде болған. Жарылыс салдарынан тағы бірнеше тәліп жараланған.
