Сирияға бір тәулікте 800-ден аса босқын оралған

Астана. 10 желтоқсан. KAZISLAM – Шетелде жүрген 870 сириялық босқын өз отанына оралған. Бұл жайында Босқындарды қабылдау орталығының ақпаратында айтылған, деп жазады Baq.kz.

«6 қараша күні Сирия Арап Республикасына шетел аймағында жүрген 869 босқын қайтып келді, оның ішінде «Джейдет-Ябус» және «Телль-Калах» өткізу орны арқылы – Ливаннан 134 адам келді. Олардың қатарында 40 әйел, 69 бала бар. Сондай-ақ «Насиб» өткізу орны арқылы Иорданиядан – 735 адам өтті» делінген хабарламада.

Бұған қоса ел ішінде тұрғылықты орнына 227 бейбіт тұрғындар қайтып келген.

Босқындарды қабылдау орталығының мәліметінше, Сирия қарулы күштерінің инженерлі бөлімі бір тәулік ішінде 9,5 гектар жерді минадан тазартқан. Сондай-ақ мамандар 32 жарылғыш заттың көзін жойған, оның үшеуі қолдан жасалған жарылғыш құрылғы.