Сауд Арабиясында әйелдерге бала босану әдісін таңдауға рұқсат берілді

Астана. 21 қаңтар. KAZISLAM – Сауд Арабиясында енді әйелдер ресми түрде ер адамдардан — күйеулерінен, әкелерінен немесе баурыларынан рұқсат алмай-ақ, бала туу әдісін өзі таңдай алатын болды. Бұл туралы Tengrinews.kz РИА Новостиге сілтеме жасап хабарлады.

Басылымның мәліметінше, осылайша әйелдер кесарев тілігі немесе табиға босанғысы келе ме — өзі шешеді. Сондай-ақ, әйелдерге дәрігерден жүктілік қалай өтіп жатқаны және баланың қашан дүниеге келетіні жайлы мәлімет алу үшін қамқоршыларының қол қойған қағазы қажет болмайды.

Бұдан бөлек Сауд Арабиясы әйелдерінің енді босану кезінде қасында туысы немесе жақын адамы болуы жайлы мәселені өздері қабылдайтын алатыны айтылады. Мұның алдында ол елдегі әйелдерге стюардесса болып жұмыс істеуге, көлік жүргізуге және футбол матчтарына баруға рұқсат берілгені айтылған еді.