Күйеуіңіз отбасылық өмірде бақытты болсын десеңіз… / Данияр СҮЛЕЙМЕНОВ

Ер адам да отбасылық өмірде бақытты болғысы келеді. Ал сол бақытқа жетуінің бірден-бір себебі өзіңіз екенін ұмытпаңыз. Олай болса:

• Күйеуіңізге деген махаббатыңызды көрсете біліңіз, себебі ер адам үйінде өзін жақсы көретін әйелдің күтіп отырғанын көргісі келеді.

• Мақтап тұруды ұмытпаңыз. Ер кісі мақтағанды ұнатады. Бұл оның табиғатына тән.

• Сыйлық жасап тұруды естен шығармаңыз.

• Тамақты дәмді әрі уақытылы дайындаңыз, себебі қарны аш адам ашуланшақ келеді. Мәселелеріңізді ол тойып, тынығып болған соң айтыңыз.

• Өз-өзіңізге көңіл бөліңіз. Әдемі болып жүріңіз. Күйеуіңіз бен балаларыңыздың жағдайын жасаймын деп жүріп, өзіңізді «ұмытып» кетпеңіз.

• Күйеуіңізді тәрбиелеуге тырыспаңыз. Ер адамдар өзіне бұйыра сөйлеп, жөнді-жөнсіз ақыл айта бергенді жек көреді.

• Оған еркіндік беріңіз. Әрбір басқан қадамын аңдып, минут сайын қоңырау шалып, оның мазасын ала бермеңіз. Орынсыз қызғанышқа жол бермеңіз.

• Күйеуіңізді бақытты еткіңіз келсе, оны ешқашан, еш уақытта ешкіммен салыстыра көрмеңіз.

• Күйеуіңіздің ертіп келген қонағын тиісінше құрметтеңіз.

• Тапқан ақшаңызды күйеуіңіздің алдында міндетсінбеңіз.

• Күйеуіңізге ұнайтын нәрсені өзіңізге де ұнамды қылуға тырысыңыз.

• Әйел кісі күйеуі өзінің жәннаты екенін әрдайым жадында ұстағаны жөн.