«Харекет» қоры тағы бір отбасына қуаныш сыйлады

—

Астана. 29 желтоқсан. KAZISLAM – Ақтөбе қаласының тұрғыны, І топ мүгедегі Манас Қалмағанбетовке «Харекет» қоры үш бөлмелі пәтердің кілтін табыстады, деп жазады Aktobenews.kz.

Бұған дейін аталмыш қайырымдылық қоры қазақстандық  65 отбасыға үй берген. Қор жұмысы «1000 теңгеге баспана» ұранымен бастау алып, мұқтаж жандарға баспана сыйлап келеді. Бұл жолы Ақтөбе облысы бойынша беріліп жатқан төртінші үй І топ мүгедегі Манас Қалмағанбетовке бұйырды. Отбасында сырқаттанған екі баласы бар әке осыған дейін жалдамалы пәтерде тұрып келген. Ол қиын кезде қолын созған қор ұжымына жүрекжарды тілегін айтып, алғысын жеткізді. Айта кетейік, үш бөлмелі пәтер Ақтөбе қаласынан берілді.