«Боко Харам» ұйымының 50 содырының көзі жойылды

Астана. 9 қаңтар. KAZISLAM – Нигерия күштік құрылымы мен «Боко Харам» террористік ұйымы содырларының арасында болған қарулы қақтығыста кемінде 50 содырдың көзі жойылды.

«Анадолу» агенттігінің хабарлауынша, қарулы қақтығыс Нигерияның солтүстік-шығысындағы Борно штатында болған. Ұйым көсемі Абубкер Шекаудың содырлары Борно сыртындағы Ажилари мен Ауно елдімекеніне шабуылдаған. Нигерия күштік құрылымы мен әуе әскери күштерінің арқасында террористік бүлік басылды. Борно және Йобе штаттарындағы әскери операциялар нәтижесінде «Боко Харамның» 100-ден аса содырының көзі жойылған.