Бас мүфти халықаралық форумға қатысты

Астана. 12 желтоқсан. KAZISLAM – Францияда Ислам жəне жаһандану мəселелері» тақырыбында кезекті XIV халықаралық мұсылман форумы өтті.

Ресей мұсылмандары діни басқармасының ұйымдастырған халықаралық басқосуға Еуропа, Азия елдерінің мүфтилері, ғалымдар, Ислам бағытындағы ұйымдардың жетекшілері қатысты.

Халықаралық форумда баяндама жасаған Бас мүфти Серікбай қажы Ораз:

«Қазіргі жаһандану үдерісі салдарынан қоғамда көптеген сын-қатер мен мұсылмандығымыз бен мəдениетімізге, дəстүрімізге жат құбылыстар көрініс беруде. Біз, дін қайраткерлері өзімізге жат мұндай жағымсыз әрекеттерге қарсы күш біріктіруіміз тиіс. Алла Тағала Құранда бұйырғандай, бір-бірімізге жақсы істерде көмекші болуымыз лəзім. Бүгінде күш пен қуат — білім мен иманда. Иман мен білім салтанат құрған қоғам жаһанданудың жаман əрекеттерінен аман қала алады», — деді.

Серікбай қажы Сатыбалдыұлы мен бірінші наиб мүфти Наурызбай қажы Тағанұлы форум аясында Ресей мұсылмандары діни басқармасының төрағасы Равиль Ғайнутдинмен пікір алмасты.