Сөз және оның мағынасы, қазақ тілінен сабақ жоспары

Сабақтың тақырыбы: Сөз және оның мағынасы
Сабақтың мақсаты:
а) Білімділік: Оқушылардың өздеріне әр сөздің өзіне тән мағынасы болатынын байқату, тапсырмаларды орындату арқылы сөз және оның мағынасының өзгеруін түсініп алуға бағыттау.
ә) Дамытушылық: Өз ойларын тұжырымдап еркін айтуға, сөздік қорларын дамытып, байланыстырып, сөйлеуге машықтау, шығармашылық деңгейде жұмыс жасауға жетелеу;
б) Тәрбиелік: Оқушыларды жеке, жұптық, топтық жұмыстар кезінде ұстамдылыққа, бір — біріне көмек көрсетуге тәрбиелеу.
Көрнекілігі: топ арасын ажырататын белгілер, интерактивті тақта, әр оқушының алдында бағалау үлгілері, ақ қағаздар, микрофон, маркерлер.

Сабақтың барысы:
І. Ұйымдастыру кезеңі
— Сәлеметсіздер ме, балалар?
— Қазір қандай сабақ?
— Балалар, сабаққа барлығымыз дайынбыз ба?
(Оқушылардың сабаққа дайындығын бақылап шығу)

ІІ. Психологиялық ахуал орнату кезеңі
а) Армысың, алтын күн!
Көгілдір көк аспан.
Бармысың, достарым,
Сендермен әр күнім.
Бас иеміз сіздерге
Білім берген біздерге
Ұстаздарым ардақты!
ә) Парталардың үстінде көңілді, көңілсіз бет — әлпеттер жатады, оқушылар өз көңіл күйлеріне қарай бет — әлпеттерді таңдап алады да, көршілеріне тағады
б) Сабақ барысында өздерін бағала мақсатында күн шуағы бейнеленген суреттерді алып отырады

ІІІ. Үй тапсырмасын тексеру кезеңі
а) «Интервью» стратегиясы
1оқушы – тілші, қалғандары көрермендер
Тілші болатын оқушы тақтаға шығады. Қолында микрофоны болады
— Алдарыңызда мен — тілші Жақсыбай Аруан. Менің сіздерге қоятын сауалдарым бар:
1) Сөйлем неден тұрады? (оқушыдан жауап алады: сөйлем сөздерден тұрады)
2) Сөйлем нені білдіреді? (сөйлем тиянақты ойды білдіреді)
3) Сөйлем ішіндегі сөздер қалай жазылады? (сөйлемдегі сөздер бір — бірінен бөлек жазылады)
4) Сөйлем қандай әріптен басталып жазылады? (сөйлемдер әрқашан да бас әріппен жазылады)
Тілші болған оқушы үй жұмысын қорытындылап, көрермендерге алғысын білдіріп, орнына отырады

ІҮ. Қызығушылықты ояту.
а) «Ой толғау» стратегиясы
— Балалар, енді біз бүгінгі сабағымыздың тақырыбын анықтап алайық. Интерактивті тақтада сағаттың суреті берілген. Өздерің көріп отырған сағаттағы 19 әріптен 4 сөз шығару керек. Ол үшін сағат тілі бойынша белгілі бір жүйемен ешқандай әріпті аттамастан, рет — ретімен оқысаңдар, бүгінгі сабағымыздың тақырыбы шығады.

Оқушылар сағат тілімен оқи отыра, бүгінгі сабақтың тақырыбын анықтайды)
— Ендеше бүгінгі сабақтың тақырыбы: «Сөз және оның мағынасы»
— Енді мақсат қойып алайық (Оқушылардың жауаптары)
— Әр түрлі тапсырмалар, жаттығулар орындаймыз;
— Сөздердің мағынасын ажыратуды үйренеміз;
— Сөздердің өзіне тән мағынасы болатынын түсінеміз.

Ү. «Мағынаны ажырату» сатысы
«Жигсо» стратегиясы
1) Нөмірленген киіз үйлер ортаға орналастырылады
2) Мұғалім тапсырмаларды түсіндіріп шығады:

1 — тапсырма:
2 — тапсырма: оқулықтың 87 — бетіндегі 233 — жаттығу
3 — тапсырма: оқулықтың 87 — бетіндегі 234 — жаттығу
4 — тапсырма: Шығармашылық тапсырма
Жұмбақты шешіп, қарама — қарсы сөздердің астын сыз
Орманнан жалпақ даладан
Бал іздеп бір аң жортады.
Кіп-кішкене арадан,
Үп — үлкен боп қорқады. (Аю)
(Кіп-кішкене үп — үлкен)
— Енді балалар, әркім өз бет — әлпеттеріндегі нөмірлері бойынша қонақ үйге орналасады.
«Қонақ тобында» тапсырмаларды орындау ережесі:
1) Әркім тапсырманы жеке орындайды
2) Жұбымен ақылдасады
3) Тапсырманы орындап, сұрақ қойып, дәлелдейді. Ортақ пікірге келеді

Тапсырманы орындап болғаннан соң, үй тобына жинады. Әр нөмірлі оқушы өзінің тапсырмасын қалған оқушыларға түсіндіріп береді, қалғандары орындап шығады. Әр топ әрбір тапсырма бойынша пікірлерін айтады, қортынды жасайды.
Сергіту сәті: «Көңілді күн» әуенімен сергіту сәті жасалады

ҮІ. «Ой толғаныс» сатысы
«Топтасу» стратегиясы
— Енді балалар, бүгінгі сабақтың тақырыбы бойынша топпен бірлесе отыра өз
ойларыңды жаза қойыңдар. Әрбір топқа бір парақ қағаз беріледі.
Әр топтан бір оқушы шығып бүкіл сыныпқа оқып, талдайды. Мысалы,
оқушылардың жауабы: сөздер әртүрлі болады, сөз — заттың, сапаның,
қимылдың, санның атауын білдіреді, сөздің мағынасын біліп алып айту керек,
т. с. с.

ҮІІ. Үйге тапсырма
Әртүрлі деңгейде тапсырмалар беріледі
1) Мағынасы қарама — қарсы сөздерді тап
Таза — Ақ —
Ыстық — Ащы —
Жақсы — Биік —
2) Мағынасына қарай топтап жаз
Дәптер, күлді, екі, эдемі, жылады, отыз бес, парта, кең, алты, жасыл, кітап. 3) 88 — беттегі 236 — жаттығу (Ребусты шешу)

ҮІП. Бағалау
Балалар сабақтың соңына дейінгі орындаған тапсырмалары бойынша жинаған ұпайларын санап, өз — өздерін бағалайды.

Павлодар облысы, Павлодар қаласы,
Камал Макпалеев атындағы
№4 жалпы орта білім беру мектебінің
2 сынып жетекшісі
Солтанова Гульжан Магауяновна